Мадæлон æвзаджы æппæтадæмон бонмæ националон культурæты фестиваль "Хоровод дружбы" ацыд базарадон-экономикон колледжы. Къуырийы дæргъы ахуыргæнджытæ фæсивæды зонгæ кодтой Гуырдзыстон, Узбекистан, Греци æмæ æндæр адæмы хæттыты культурæтимæ. Мадзалы уазджытæн сцæттæ кодтой алыхузон бæстæты хæринæгтæ. Концертон программæйы - алы адæмты кæфтытæ, вокалон номыртæ. Бæрæгбоны архайдтой республикæйы 20 астæуккаг-профессионалон ахуыргæнæндæтты минæвæрттæ. Конкурсы фæлгæты цалдæр номинацийы равзардзысты хуыздæрты. Фестиваль ацы аз арæзт æрцыд фыццаг хатт, фæлæ йæ фæнд кæнынц æрвылазон скæнын.