Дзӕуджыхъӕуы уыд ӕппӕтуӕрӕсеон турнир шахмæттæй. Ерыстӕ ацыдысты Сывӕллӕтты сфӕлдыстады республикон галуаны. Турнирмӕ ӕрбамбырд сæдæ æртын адæймагæй фылдӕр Уӕрӕсейы алы регионтӕй. Се 'хсæн — скъоладзаутӕ ӕмӕ ветерантӕ. Ӕппӕты ӕрыгондӕр архайæгыл цыппæрдæс азы нӕма цӕуы, ӕппӕты хистӕрыл та — æхсай азӕй фылдӕр. Шахмӕттӕй хъазджытӕ ерыс кодтой тагъд шахмӕтты. Иумӕйаг призон фонд — æртæ сæдæ мин сомы. Турнирæй ссардтой зындгонд гроссмейстер Николай Новогрудскийы ном. Уый æртын азӕй фылдӕр фӕкуыста Сфӕлдыстады галуаны ӕмӕ схъомыл кодта бирӕ чемпионтӕ.