Змейкӕйы дарддӕр цӕуы культурӕйы ног хӕдзары арӕзтад. Цӕгат Ирыстоны вице-премьер Атарты Георгий социалон хызæгты куыд фехъусын кодта, афтӕмӕй кусджытæ ныридӕгӕн фӕвӕййынц ӕддаг æмæ мидæггаг къулты арæзтад. Сфӕлдыстадон къордтӕн хицӕн кӕнынц залтӕ ӕмӕ кабинеттӕ. Архитекторты проекты — цымыдисаг геометрион фæлгонцтæ. Нырыккон ӕмӕ æнцонвадат культурон центр станицӕйы фӕзындзӕн паддзахадон программӕ "Хъӕууон фӕзуӕтты комплексон райрӕзт"-мӕ гӕсгӕ. Уӕ зӕрдыл уын ӕрлӕууын кӕндзыстæм, ног клуб саразыны курдиатимæ цӕрджытӕ фæсидтысты Цæгат Кавказы федералон зылды Президенты ӕххӕстбарджын минӕвары хӕдивӕг Андрей Шабалинмæ ӕмӕ вице-премьер Атарты Георгимæ.