Хæрдгæхуыд, хъæдæрмæгыл нывæфтыдтæ, цыллæ кæлмæрзæнтæ

Хæрдгæхуыд, хъæдæрмæгыл нывæфтыдтæ, цыллæ кæлмæрзæнтæ. Беслæны кадджын уавæры байгом равдыст. Снысан æй кодтой Ирон Нартиадæйы азмæ. Сывæллæтты курдиæтты райрæзты центр "Альтаир"-ы уæлæмхасæн ахуырады педагогтæ бацæттæ кодтой 40 экспонатæй фылдæр. Се 'хсæн - уацамонгæтæ, карды хæцæнтæ цæгатаг саджы сыкъатæй, Нарты кадджыты хъайтартæ паппье-машейы технологийы арæзт. Равдыстмæ сæхи цæттæ кæнын райдыдтой апрелы. Экскурсийы ардæм æрбацæуæн ис республикæйы æппæт скъоладзаутæн. Афæдзы кæронмæ уал сараздзысты æртæ.