Ирыстоны бирæ ис ахæм мыггæгтæ, исты маргъ кæнæ сырды чи нымайы, уæлдай кад кæны. Уыдонмæ хауынц Гусатæ дæр. Халонæн уæлдай кад кæнынц. Йæ фæрцы, зæгъынц, фервæзтысты мæлæтæй. Курттаты комы сæ найфаты йæ номыл дур сæвæрдтой. Æрвылаз дæр Дзирийы бæрæгбон Гусаты мыггаг, сæ къабæзтæ, се `рвадæлтæ ам сæмбырд вæййынц, цæмæй сæ Дзуармæ батабу кæной æмæ йыл сæхи бафæдзæхсой. Равдыст «Кувæг Ир» уæ хоны Дзирийы бæрæгбонмæ.