Амалхъомад, медиа, спорт, культурæ, зонад æмæ æндæр къабæзтæ. 1-æм мартъийы Сочийы райдайдзæн фæсивæды æппæтдунеон фестиваль. Ахуырадон центр "Сириус" баиу кæндзæн 20 мины бæрц адæймаджы зæххы къорийы æппæт континенттæй. Китай, Итали, Америкæйы иугонд штаттæ æмæ ма 40 бæстæйы минæвæрттæ бабæрæг кæндзысты равдыстытæ, дæсныйадæвдисæн ахуыртæ æмæ презентацитæ. Архайджыты кар у 14-æй 35 азы онг. Сæ фæлтæрддзинад æмæ зонындзинæдтæ сын фæхай кæндзысты æхсæнадон архайды раззагдæртæ, се 'хсæн Гергиты Валерий, Хабиб Нурмагомедов, Дина Аверина, Арина Аверина, Милош Бикович, Рой Джонс, Наталия Орейро, Константин Хабенский. Нæ республикæйæ фестивальмæ ацæудзæн 100 активист æмæ бархионы.