Синоптикты хъусынгæнинагмæ гæсгæ, абон æмæ райсом уæлдæфы температурæ уыдзæн 5 градусы хъарм

Ацы бонты республикæйы боныхъæд уыдзæн зæрдмæдзæугæ. Цæгатирыстойнаг синоптикты хъусынгæнинагмæ гæсгæ, абон æмæ райсом температурæ æппынкъаддæр уыдзæн 5 градусы хъарм. Уæлдæф схъарм уыдзæн суанг 12 градусы онг. Хицæн районты уардзæн тыхджын къæвдатæ. Прогнозмæ гæсгæ, хъармдæр уыдзæн сабаты — 16 градусы. Фæлæ æхсæвыгæтты та 4 градусӕй хъармдӕр нæ уыдзæн. Хохы уардзæн мит. Фæлæ, специалисттæ куыд фæнысан кодтой, афтæмæй ацы фæззæг у хъармдæр, иннæ азтимæ абаргæйæ. Уымæ гæсгæ Дзæуджыхъæуы æцæг зымæг тагъд нæ ралæудзæн.