Горæты æппæт маршрутон такситæ дæр кусдзысты куыд куыстой, афтæ. Иу маршрут дæр дзы нæ айстой. Уый тыххæй нæ телеканалæн фехъусын кодтой Дзæуджыхъæуы администрацийы. Транспорты пъланы проект сфидар кодтой. Йе 'руаджы балцвæдты хызæг оптимизаци скæндзысты, хæдтулгæтæ ногтæй баивдзысты, æмткæй райсгæйæ инфраструктурæ æмæ лæггæдты хæрхъæддзинад фæхуыздæр уыдзæн. Маршруттæ айсын кæнæ та аивыны уынаффæтæ æнæ лæггæдтæ æххæстгæнджытæ æмæ бæлццæттимæ аныхас кæнгæйæ нæ хæсдзысты. Тагъд рæстæджы фæндæгтыл фæзындзæн ног автобустæ. Цæудзæн дзы фæйнæ 40 адæймаджы. Сæйраг нысан у горæты цæрджытæн нырыккон уавæртæ аразын.