Кӯмаки Сафорат ба шаҳрвандони Тоҷикистон дар Россия

Тибқи маълумоти қаблан пешниҳодгардида, 20 октябри соли 2021 дар ҳудуди иншооти сохтмонии воқеъ дар назди метрои “Рассказовка”-и шаҳри Москва сӯхтор ба амал омад ва дар натиҷаи сӯхтор тақрибан 60 нафар шаҳрванди Тоҷикистон молу ашё ва зиёда аз 17 нафар ҳуҷатҳояшонро аз даст дода буданд. Мавриди зикр аст, ки аз ҷониби Хадамоти консулии Сафорати Тоҷикистон дар Россия ба шаҳрвандони мазкур шиносномаҳои умумишаҳрвандии хориҷӣ дар мӯҳлати кӯтоҳ таҳия шуд ва ҷуброни ҳодиса бошад бо мусоидати Сафорат аз ҷониби корфармо ба шаҳрвандон пардохт гардид. Сафорат чунин ҳолатҳоро пайгирӣ намуда, мусоидати хешро ба шаҳрвандони Ҷумҳурии Тоҷикистон дар мавридҳои зарурӣ мунтазам анҷом медиҳад.