Президенты æвзæрстыты фæдыл егъау информацион кампани байгом кодта Цæгат Ирыстоны центрон æвзарæн къамис. Республикæйы сæвæрдтой 120 информацион фæйнæджы. Уымæй уæлдай ма 11-æм мартъимæ ис курдиат бадæттæн æмæ снысан кæнын кæцы æвзарæн участокы хъæлæс кæндзæн æвзарæг, уый. Схъæлæс кæнæн ис Уæрæсейы алы къуымы дæр, регистрацийы бынат нæ хынцгæйæ. Мобилон æвзарæг æнцонæй суæвæн ис. Курдиат бадæттæн ис паддзахадон лæггæдты порталы ууылты, уый æппæты парахатдæр хуыз у, ныридæгæн дзы спайда кодтой фондз сæдæ адæймагæй фылдæр. Æрбацæуын хъæуы хæстæгдæр æвзарæн къамисмæ кæнæ Бирæвæрсыг центрмæ. Уæ зæрдыл уын æрлæууын кæндзыстæм, Уæрæсейы президенты æвзæрстытæ аххæсдзысты æртæ боны. 15-æм, 16-æм æмæ 17-æм мартъийы.