Афӕдзы кӕронмӕ Дзӕуджыхъӕуы сцалцӕг кӕндзысты Хетӕгкаты Къостайы хӕдзар-музейы разуынд. Ахӕм фӕдзӕхст радта республикӕйы сӕргълӕууӕг Сергей Меняйло. Культурӕйы министр Гуыдиаты Батрадз куыд фехъусын кодта, афтӕмӕй ныртӕккӕ специалисттӕ цӕттӕ кӕнынц документтӕ. Хъуамӕ бӕстыхай ӕмӕ кӕртмæ дæр базилой. Фæрæзтæ куы рахай кӕной, уӕд уайтагъд райдайдзысты куыстытӕ дӕр. Ацы хӕдзар у ахсджиаг историон цыртдзӕвӕн, фӕлӕ цалцӕггонд нæ уыд 40 азӕй фылдӕр. Зӕгъӕн ис, ӕмӕ ӕппӕт уӕттӕ дӕр домынц рацарӕзт. Зӕгъын хъӕуы уый дӕр, ӕмӕ цалцæггæнæн куыстытæ фесты Къостайы хӕдзары Нарыхъӕуы, уым дӕр саив кодтой музейы алыварс фӕзуат.