Сергей Меняйло фембæлд, сæрмагонд æфсæддон операцийы бынаты йæ æфсæддон хæс æххæстгæнгæйæ чи фæмард, уыцы хæстонты бинонтимæ. Цæгат Ирыстоны сæргълæууæг сын ракодта тæфæрфæс, æмæ сын радта паддзахадон хæрзиуджытæ. Уыдоны аккаг хъæбатыр æфсæддонтæ систы сæ амæлæты фæстæ. Уæрæсейы Президенты Указмæ гæсгæ сæрмагонд æфсæддон операцийы архайджытæ равдыстой лæгдзинад æмæ хъæбатырдзинад, Фыдыбæстæ хъахъхъæнгæйæ, хорзæхгонд æрцыдысты Лæгдзинады ордентæй.