Гуманитар колонна белән китәчәк машиналарга йөк төялде.

Районыбыз халкы берләшеп, булдыра алганча ярдәм кулы сузды. - Булышырга килүчеләргә бик рәхмәтлебез. Исемләп берәүне дә чакырмадык. Битараф булмаучылар үзләре ярдәмгә килделәр. "Төяшергә ир-атлар бик кирәк. Килә алсагыз рәхмәтле булыр идек" дип статусларга гына язып куйдык. Бүгенге ярдәмчеләр шулай җыелды, - диде волонтер Алинә Латипова. Иртәгә, 10 ноябрь көнне гуманитар ярдәм белән 10га якын машина кузгалыр дип планлаштырыла. Кузгалу урыны - Арча шәһәре, Совет мәйданы. Вакыты - 10.00 сәгать. Бердәмлектә - көч!🫂