Цæгат Ирыстоны 57 мин цæрæджы ацы азы фыццаг кварталы ацыдысты диспансеризаци. Сбæрæг кодтой сæ æнæниздзинады уавæр, сæйрагдæр та уый у, æмæ низтæ афоныл раиртасынц. Ивгъуыд аз диспансеризацийы пълан республикæйы сæххæст кодтой 100%. Диагностикæйы фæрцы æвзæр низ æрæджы кæмæ фæзынд, ахæмтæ дæр разынд. Тæккæ нырыккондæр медицинон кусæнгæрзтыл æнæниздзинады уавæр сбæрæг кæныны фадат ис республикæйы алы цæрæгæн дæр. Адæмæн ма лæггад кæнынц бынативгæ флюорографтæ æмæ маммографтæ. Комплекстæ графикмæ гæсгæ, араст вæййынц районтæм. Цавæр фæткмæ гæсгæ кусынц, уый фенæн ис æнæниздзинад хъахъхъæнынады министрады сайты.