Цæгат Ирыстоны 16 цæрæгæн радтой "Мать героиня"-йы ном

Хицауады хæдзары ма ацыд иу кадджын мадзал. Республикæйы сæргълæууæджы Указмæ гæсгæ, ныййарæджы ном сæрыстырæй чи хæссы, фæзминаг кæстæртæ чи схъомыл кодта, йæ хъару æмæ цард йæ сывæллæттæн чи снывонд кодта, уыцы сылгоймæгтæн радтой "Мать героиня"-йы ном. Кады аккаг систы Цæгат Ирыстоны 16 цæрæджы. Се 'хсæн 7 æмæ фылдæр сывæллæттæ чи схаста, уыдон. Мадзал сбастой Мады бонимæ. Регионы сæргълæууæг алкæмæндæр загъта бузныг æмæ сын ракодта арфæ.