Сæрмагонд æфсæддон операцийы архайджытимæ æмæ сæ бинонтимæ чи кусы, уыцы специалисттæн Дзæуджыхъæуы райдыдта семинарты цикл. Абон Цæгат Ирыстоны Национ чиныгдоны ацыд фыццаг мадзал, 'рбангом кодта 150 адæймаджы. Се 'ппæт дæр кусынц алыхуызон къабæзты: ахуырад, социалон хъахъхъæнынад, æфсæддон комиссариат, ветеранты организацитæ æмæ æндæртæ. Программæйы - лекцитæ, тренингтæ, дæсныйадæвдисæг ахуыртæ æмæ хъуыддаджы хъæзтытæ. Спикертæ радзырдтой ведомствæты 'хсæн æмгуыстады, æфсæддонты æмæ сæ хиуæтты психологон æххуысы æмæ эмоционалон зындзинæдты профилактикæйы тыххæй. Мадзаларазджытæ - Уæрæсейаг æхсæнад "Знание" Уæрæсейы Президенты æххæстбарджын минæвары Цæгат Кавказы Федералон зылды аппараты æмæ нæ республикæйы Хицауады æххуысæй. Архайджытыл сæмбæлд вице-премьер Александр Реутов. Фæнысан кодта ахæм мадзæлтты ахсджиагдзинад æмæ сын йæ зæрдæ зæгъы куысты æнтыстджын уæвын.