Дзӕуджыхъӕуы дарддӕр лыг кӕнынц быроны контейнерты алыварс чъизидзинады проблемӕ
Олег Кошевойы уынджы хӕдтулгӕты бадӕнтӕ, цӕлхытӕ ӕмӕ бампертӕ афтæ бирæ ис, ӕмӕ сæ ӕнӕхъӕн хӕдтулгӕ сараздзынæ. Ахӕм уавӕр ам алы бон дӕр вæййы. Бырӕтты фылдӕр хай контейнерты нæ, фæлæ сæ алыварс æппæрст сты. Адӕм бырон уым цӕмӕн ӕппарынц? Чи зоны, зивӕг кӕнынц, бырӕттӕ ӕгӕр стыр сты, кæнæ та сӕ хуымӕтӕджы сыгъдӕгдзинад не 'ндавы. Фӕлӕ уымӕй тынг тыхсынц бынӕттон цӕрджытӕ. Уынгмæ сыгъдӕг уӕлдӕфӕй аулӕфынмӕ дæр нæ рацæудзынæ. — Нæ хӕдзӕртты рудзгуытӕ байгом кӕнын дæр нӕ бон нӕу. Уынджы сыгъдӕг уӕлдӕф нӕй, нæдæр санитарон нормӕтӕ. Бырӕттӕм ӕввахс ӕрӕмбырд вӕййынц бындзытӕ, куыйтӕ ӕмӕ гӕдытӕ. Ӕппӕт уыдӕттӕ ӕвзӕр ахадынц нӕ сывӕллӕтты, ацӕргӕ адӕмы ӕмӕ нӕхи ӕнӕниздзинадыл дæр. Гаглойты Зӕлинӕ бырондон ныр 20 азы дæргъы уыны йӕ рудзынгӕй. Сылгоймаг куыд зӕгъы, афтӕмӕй адӕмæн сæхи аххос у. Ардӕм ласынц бырӕттӕ ӕгас горӕтӕй дæр. Фӕлхӕрттӕ ныууадзынц хæрæндæтты хицӕуттӕ, аразджытӕ ӕмӕ хуымӕтӕг цæрджытæ. Фæзуат арӕзт у ӕрмӕст иу районӕн, фӕлӕ йӕм ныртӕккӕ бырон ласынц æнӕхъӕн Дзӕуджыхъӕуӕй. — Ардӕм бирӕ хӕттыты ӕбарцыдысты журналисттӕ ӕмӕ истой æрмæджытæ. Бынӕттон цӕрджытӕ дӕр адӕмӕн арӕх фӕдзӕхстой, ацы ран арӕзтадон бырӕттӕ ӕппарӕн нӕй, зӕгъгӕ. Бырӕттӕ ардыгӕй ласынц бон дыууӕ кӕнӕ ӕртӕ хатты дæр, фӕлӕ уый уӕддӕр фаг нӕу. Регионалон оператор "ЭРА"-йы минӕвӕрттӕ куыд зæгъынц, афтæмæй аххосаг уый мидæг ис, æмæ горæты бырондæтты фæзуæттæ фаг нæй. — Уымӕй уӕлдай, фӕлхӕртты иу хай зӕххыл февзӕры. Чи дзӕкъултӕ контейнеры иувӕрсты аппары, чи та сӕ бакты тӕккӕ цур ныууадзы. Мах курӕм цӕрджытӕй, цӕмӕй стыр бырӕттӕ ӕвӕрой фӕзуатмӕ 'ввахс. Уӕ хорзӕхӕй, ма сӕ пырх кӕнут. Кӕд гӕнӕн ис, уӕд стыр бырӕттӕ халут ӕмӕ сӕ биноныг ӕвӕрут. Бырондæттæм ӕввахс фæзуат — хицӕн фарста. Закъонмӕ гӕсгӕ, сæ мидӕг ӕмӕ сæ алыварс быронæн дзуапп дӕттынц æндæр æмæ æндæр организацитӕ. Контейнертæй йæ хъуамӕ ласа регионалон оператор. Алыварс сыгъдӕгдзинадæн та дзуапп дӕтты разамынддæттæг компани. Æмæ уыдоны нӕ фӕнды ацы хӕстӕ се 'хсӕн дих кӕнын. Уый аххосӕй Дзӕуджыхъӕуы чъизи у алы дыккаг контейнеры цур дӕр. Черняховскийы уынгыл уавӕр хорз ӕвдисы ацы фарста. Бактæ афтид сты, фӕлӕ сӕ алыварс ӕцӕг бырондон рауад. Бынӕттон цӕрджытӕ куыд зæгъынц, афтæмæй ардӕм стыр уӕзласӕн машинӕтыл ласынц бырон. Чи ӕмӕ цӕмӕн афтӕ кӕны, уый бӕрӕг нӕу. Фӕлӕ фӕзуат сыгъдӕг кӕнын цыма никæй фӕнды... Цӕрӕнуæтты-коммуналон хӕдзарад, артаг ӕмӕ энергетикӕйы министрады куыд фехъусын кодтой, афтӕмӕй ныридӕгӕн балхӕдтой ног контейнертӕ. Горӕты ма уӕлӕмхасӕн сарӕзтой 26 фæзуаты. Тагъд ӕмбӕрстгонд ӕрцӕудзӕн, мадзӕлттӕ чъизидзинад фӕкъаддӕр кӕнынӕн куыд феххуыс сты, уый. — Къабазы рӕзты пълан 2026-2028 азтӕн ныридӕгӕн фидаргонд у компани "Уӕрӕсейаг экологион оператор"-имӕ. Уым рагзагъд цӕуы ӕппӕт бырӕтты фӕзуӕттӕ ӕмӕ контейнертӕ сног кӕнын. Мах скӕндзыстӕм фӕлхӕрттӕ ӕмбырд кӕныны системӕ ӕнцондӕр бынӕттон цӕрджытӕн. Ӕрмӕст январӕй апрельмӕ коммуналон службӕтӕ раластой 59 мин тоннӕйы бырӕттӕ. Уый у тынг стыр нымӕц, ӕмӕ алы бон дӕр фӕлхӕрттӕ фылдӕрӕй-фылдӕр кӕнынц. Цӕрӕнуæтты-коммуналон хӕдзарад, артаг ӕмӕ энергетикӕйы министрады ныридӕгӕн кусынц фарста алыг кӕныныл.
Олег Кошевойы уынджы хӕдтулгӕты бадӕнтӕ, цӕлхытӕ ӕмӕ бампертӕ афтæ бирæ ис, ӕмӕ сæ ӕнӕхъӕн хӕдтулгӕ сараздзынæ. Ахӕм уавӕр ам алы бон дӕр вæййы. Бырӕтты фылдӕр хай контейнерты нæ, фæлæ сæ алыварс æппæрст сты. Адӕм бырон уым цӕмӕн ӕппарынц? Чи зоны, зивӕг кӕнынц, бырӕттӕ ӕгӕр стыр сты, кæнæ та сӕ хуымӕтӕджы сыгъдӕгдзинад не 'ндавы. Фӕлӕ уымӕй тынг тыхсынц бынӕттон цӕрджытӕ. Уынгмæ сыгъдӕг уӕлдӕфӕй аулӕфынмӕ дæр нæ рацæудзынæ. — Нæ хӕдзӕртты рудзгуытӕ байгом кӕнын дæр нӕ бон нӕу. Уынджы сыгъдӕг уӕлдӕф нӕй, нæдæр санитарон нормӕтӕ. Бырӕттӕм ӕввахс ӕрӕмбырд вӕййынц бындзытӕ, куыйтӕ ӕмӕ гӕдытӕ. Ӕппӕт уыдӕттӕ ӕвзӕр ахадынц нӕ сывӕллӕтты, ацӕргӕ адӕмы ӕмӕ нӕхи ӕнӕниздзинадыл дæр. Гаглойты Зӕлинӕ бырондон ныр 20 азы дæргъы уыны йӕ рудзынгӕй. Сылгоймаг куыд зӕгъы, афтӕмӕй адӕмæн сæхи аххос у. Ардӕм ласынц бырӕттӕ ӕгас горӕтӕй дæр. Фӕлхӕрттӕ ныууадзынц хæрæндæтты хицӕуттӕ, аразджытӕ ӕмӕ хуымӕтӕг цæрджытæ. Фæзуат арӕзт у ӕрмӕст иу районӕн, фӕлӕ йӕм ныртӕккӕ бырон ласынц æнӕхъӕн Дзӕуджыхъӕуӕй. — Ардӕм бирӕ хӕттыты ӕбарцыдысты журналисттӕ ӕмӕ истой æрмæджытæ. Бынӕттон цӕрджытӕ дӕр адӕмӕн арӕх фӕдзӕхстой, ацы ран арӕзтадон бырӕттӕ ӕппарӕн нӕй, зӕгъгӕ. Бырӕттӕ ардыгӕй ласынц бон дыууӕ кӕнӕ ӕртӕ хатты дæр, фӕлӕ уый уӕддӕр фаг нӕу. Регионалон оператор "ЭРА"-йы минӕвӕрттӕ куыд зæгъынц, афтæмæй аххосаг уый мидæг ис, æмæ горæты бырондæтты фæзуæттæ фаг нæй. — Уымӕй уӕлдай, фӕлхӕртты иу хай зӕххыл февзӕры. Чи дзӕкъултӕ контейнеры иувӕрсты аппары, чи та сӕ бакты тӕккӕ цур ныууадзы. Мах курӕм цӕрджытӕй, цӕмӕй стыр бырӕттӕ ӕвӕрой фӕзуатмӕ 'ввахс. Уӕ хорзӕхӕй, ма сӕ пырх кӕнут. Кӕд гӕнӕн ис, уӕд стыр бырӕттӕ халут ӕмӕ сӕ биноныг ӕвӕрут. Бырондæттæм ӕввахс фæзуат — хицӕн фарста. Закъонмӕ гӕсгӕ, сæ мидӕг ӕмӕ сæ алыварс быронæн дзуапп дӕттынц æндæр æмæ æндæр организацитӕ. Контейнертæй йæ хъуамӕ ласа регионалон оператор. Алыварс сыгъдӕгдзинадæн та дзуапп дӕтты разамынддæттæг компани. Æмæ уыдоны нӕ фӕнды ацы хӕстӕ се 'хсӕн дих кӕнын. Уый аххосӕй Дзӕуджыхъӕуы чъизи у алы дыккаг контейнеры цур дӕр. Черняховскийы уынгыл уавӕр хорз ӕвдисы ацы фарста. Бактæ афтид сты, фӕлӕ сӕ алыварс ӕцӕг бырондон рауад. Бынӕттон цӕрджытӕ куыд зæгъынц, афтæмæй ардӕм стыр уӕзласӕн машинӕтыл ласынц бырон. Чи ӕмӕ цӕмӕн афтӕ кӕны, уый бӕрӕг нӕу. Фӕлӕ фӕзуат сыгъдӕг кӕнын цыма никæй фӕнды... Цӕрӕнуæтты-коммуналон хӕдзарад, артаг ӕмӕ энергетикӕйы министрады куыд фехъусын кодтой, афтӕмӕй ныридӕгӕн балхӕдтой ног контейнертӕ. Горӕты ма уӕлӕмхасӕн сарӕзтой 26 фæзуаты. Тагъд ӕмбӕрстгонд ӕрцӕудзӕн, мадзӕлттӕ чъизидзинад фӕкъаддӕр кӕнынӕн куыд феххуыс сты, уый. — Къабазы рӕзты пълан 2026-2028 азтӕн ныридӕгӕн фидаргонд у компани "Уӕрӕсейаг экологион оператор"-имӕ. Уым рагзагъд цӕуы ӕппӕт бырӕтты фӕзуӕттӕ ӕмӕ контейнертӕ сног кӕнын. Мах скӕндзыстӕм фӕлхӕрттӕ ӕмбырд кӕныны системӕ ӕнцондӕр бынӕттон цӕрджытӕн. Ӕрмӕст январӕй апрельмӕ коммуналон службӕтӕ раластой 59 мин тоннӕйы бырӕттӕ. Уый у тынг стыр нымӕц, ӕмӕ алы бон дӕр фӕлхӕрттӕ фылдӕрӕй-фылдӕр кӕнынц. Цӕрӕнуæтты-коммуналон хӕдзарад, артаг ӕмӕ энергетикӕйы министрады ныридӕгӕн кусынц фарста алыг кӕныныл.